بسم الله الرحمن الرحيم
هذه تجربة شخصية لاخي العزيز ابونواف فى الشراء من محلات تجربتي في الموقع الخاص للاطفال Gymboree لملابس الاطفال
السلام عليكم
تجربتي في الموقع الخاص للاطفال Gymboree
في احد تغريدات اخي ابو محمد قرأت تغريده خاصه لهذا الموقع الاكثر من رائع موقع خاص بالاطفال
وبصراحه التغريده كانت بوقت حلوو لاني وقتها كنت بدور عن مواقع خاصه بالاطفال فالله يحزاه الخير والجنه بإذن الله
ابو محمد بصراحه صار مرجع لنا بالنسبه للمواقع
المهم اني قلت بشيك على الموقع واشوف كيف ملابسه للاطفال واهم شي طبعاً الاسعار
بصراحه ملابسه من خلال الصور الي بالموقع روع وشدتني اني بجرب وقلت بجرب لكن الله يستر لان بصراحه مرات
الصوره تغررك
ولما تستلمها تحس في فرق بين الواقع والصوره
كذلك السعر جداً جداً مناسب وشي معقول ومحترم ماهو زي الحراميه الي عندنا
المهم اني سجلت بالموقع كأي تسجيل في موقع ثاني يطلب منك الطلبات الروتينيه المعتاده
الاسم
الاميل
الباسوورد
والشغلات هذي
هذي صوره تبين لكم عملية التسجيل
بعدها مبروك كذا تم تسجيلك بالموقع …
الان ابدأ اختيار اللبس والمقاس المناسب لطفلك
طبعاً انا بعد مااخترت الملابس والمقاسات المناسبه اضفتهم للسله الخاصه بالموقع سلة الشراء وبعدها للتشك اوت
وهذي صوره توضح طلباتي من نفس الموقع
كانت عملية الشراء عن طريق الفيزا الي معي فيزا الراجحي ..
للعلم الموقع يشحن دولي لكن انا خليت الشحن داخلي الى صندوقي بامريكا ورلد شيب لاني كنت بجمع شحنات ثانيه في
ورلد شيب وارسلهم مره وحده عشان قيمة الشحن تصير مناسبه لي
بعدها بيوم ارسلوا طلبي الى صندوقي في ورلد شيب عبر شركة فيدكس وهذي صوره توضح خط سير الطلب من الموقع
الى صندوقي بورلد شيب بامريكا عبر شركة فيدكس
بعد ماتجمعت شحناتي في صندوقي بالورلد شيب ومن ضمن الشحنات طلبي في هذا الموقع الخاص بالاطفال
ارسلتهم الى مدينتي عبر شركة فيدكس وهذي صوره توضح خط سيرها من صندوقي بامريكا الى مدينتي
بعدها وصل طلبي الى شركة فيدكس في مدينتي واتصلوا علي وارسلوا لي رساله بوصول الشحنه
وهذي صوره من بعض طلباتي من موقع الاطفال الرائع
بعد هذا الشرح نأتي الى اهم نقطه التقيييم :
بصرااحه الي بالصوره نفس الواقع وهذا اهم شي
خامة القمااش اكثر من رائع
المقاسات كذلك تمام الحمدالله
التقييم من ١٠
اعطيه ١٠ من ١٠
هذي تجربتي مع الموقع الخاص بالاطفال موقع Gymboree
تجربه لله الحمد موفقه
قبل ان اختم تجربتي اخص شكري لاخي الغالي ابو محمد صاحب هذه المدونه لما يبذله مت جهود تجاه المتسوق الالكتروني
جعلها الله في موازين اعماله
وان شالله سوف اطرح باقي التجارب من مواقع اخرى في هذه المدونه ليستفيد منها الجميع
اخيراً اقول ان اصبت فمن الله وان اخطأت من نفسي والشيطان
لاتنسونا فقط من دعواكم
شكرا اخي الكريم ابو نواف على مشاركتك واسال الله ان يبارك لك فيما اشتريت .
